Reade tried: De plysje moat swierder bewapene wurde

Dat is de stelling hjoed yn de Reade Tried. Terroristen brûke hieltyd swierdere middels by it plegen fan oanslaggen. De dieders fan de oanslach yn Parys hiene de beskikking oer in hiel wapenarsenaal. De plysje hat dat net en dêrom klinkt hieltyd faker de rop om ek de plysje de beskikking te jaan oer swierder materieel. Net eltsenien is it dêr trouwens mei iens. Fanút it leger, de kriichsmacht, wurdt sein dat soks hielendal net ferantwurde is. Plysjes binne dêr net mei traind, it leger wol.