Digitale ôffalkalinder foar ynwenners Súdwest-Fryslân

De gemeente Súdwest-Fryslân hat in digitale ôffalkalinder ûntwikkele wêrmei't ynwenners op de kompjûter, mobile telefoan en tablet sjen kinne wannear en hokker ôffalkontener by de dyk stean moat. Doel is om yn de takomst ek ynformaasje oer it skieden fan smoargens en de lokaasjes fan de glês- en tekstylkonteners online te publisearjen.
Fan 2016 ôf wurdt de papieren fersy net langer hûs-oan-hûs ferspraat. Ynwenners dy't in papieren kalinder ha wolle, kinne dy by de gemeente ophelje.