Ljouwerter itensbank wurdt fierstente lyts

12 desimber 2014, 15:32 • 1 minút lêstiid

Klanten fan de Ljouwerter itensbank moatte bûtendoar wachtsje

Twa kear yn 'e wike kinne de klanten pakketten ophelje

Ek foar de frijwillige meiwurkers is der te min romte

Hy barst út syn foegen: de voedselbank yn Ljouwert. De itensbank sit yn in eardere basisskoalle oan de Tylkedaam, mar dêr is te min romte om al it guod op te slaan en de administraasje by te hâlden. Ek de klanten ha der lêst fan. Want dy moatte bûtendoar yn de rige stean, omdat der yn it gebou mar plak is foar fjouwer minsken tagelyk, dy't guod ophelje.

De voedselbank yn Ljouwert siket in nij ûnderkommen. De gemeente siket mei. It nije ûnderkommen moat it leafst twa kear sa grut wêze.