Itensbank Smel'lân stiet faai
De itensbank yn Smellingerlân hat te min frijwilligers. It bestean fan de bank stiet dêrom faai. Der binne driuwend bestjoersleden en nije frijwilligers nedich dy't it gearstallen en útjaan fan pakketten koördinearje.
De itensbank krijt wol genôch produkten oanlevere troch bedriuwen en partikulieren. Goed 200 gesinnen yn Smellingerlân binne wykliks ôfhinklik fan de bank. Mochten har gjin nije frijwilligers oppenearje, dan is it fuortbestean fan de itensbank ûnwis.
