Rûzjende Ljouwerters oppakt
Twa Ljouwerters binne tongersdeitejûn op it Vrijheidsplein yn de haadstêd oppakt foar mishanneling en fernieling. De plysje waard oproppen foar in fjochtpartij. Op it plein kaam in 54-jierrige man nei de plysje ta mei de melding dat er mei in honkbalkneppel en pepperspray oanfallen wie. In 42-jierrige Ljouwerter is dêrfoar oppakt.
By de arrestaasje ferklearre de fertochte lykwols dat it slachtoffer syn autorút fernield hie. Dêrop hat de plysje ek de 54-jierrige man oppakt.