Beskamsum ferlies Hearrenfean

9 augustus 2014, 21:43 • 1 minút lêstiid

Thomas Dalgaard makke syn debút yn de wedstriid tsjin FC Dordrecht

Yanic Wildschut yn aksje tsjin FC Dordrecht

Sportklup Hearrenfean hat in dramatyske start fan it nije seizoen. Hearrenfean ferlear sneontejûn yn it eigen Abe Lenstra Stadion mei 2-1 fan FC Dordrecht. Dy ploech promovearre ferline seizoen hiel ferassend nei de earedivyzje.

Hakim Ziyech skoarde nei 14 minuten 1-0 en Hearrenfean wie folle better. Uth rekke de peal, mar koart foar rêst kaam Dordrecht út it neat op 1-1 troch in goal fan Korte. De twadde helte sakke Hearrenfean hielendal fuort. Troch in fout fan Van Aken koe Van Overeem yn de 81ste minút de beslissende 2-1 meitsje.