Kavelruil Sintrale As healwei

04 jul 2014 - 20:49

De kavelruil foar de oanlis fan de Sintrale As is op de helte, mar der binne noch wol in pear obstakels te nimmen. Dat seit deputearre Johannes Kramer. De provinsje besiket kavels te ruiljen mei benammen boeren, om sa it gebiet yn hannen te krijen dat nedich is foar de oanlis fan de nije dyk.

Dat proses is no healwei: 12 fan de 24 kavels binne ruile. Dat betsjut dat in gebiet fan goed 700 bunder op 'e nij ferdield is. Wol is de provinsje mei guon boeren noch yn ûnderhanneling oer de ferdieling fan stikken grûn.

De Sintrale As moat yn 2016 klear wêze.

Diel dit berjocht op:
(advertinsje)