Brânwachtpakken foar Roemenië

Sa'n 50 âlde brânwachtpakken fan it korps fan Kollum wurde ynkoarten yn Roemenië brûkt. Op dit stuit is in delegaasje fan fjouwer Kollumer brânwachtminsken yn it lân om te soargjen dat it guod op it goeie plak telâne komt. De brânwacht yn Roemenië hat in soad ferlet fan it guod. Jierren lyn binne de kontakten al ûntstien. Der binne earder ek al brânwachtauto's hinne brocht. De minsken yn Roemenië binne tige tankber.