'Hûnekop-effekt' yn de Wâlden
It 'Hûnekop-effekt', dat is neffens deputearre Jannewietske de Vries in mooglike oarsaak dat yn de Wâlden it meast Frysk brûkt wurdt op sosjale media. Woansdeitemoarn oerhannige ûndersiker Lysbeth Jongbloed it rapport 'Taalgebrûk fan Fryske jongerein op sosjale media' oan deputearre Jannewietske de Vries en wethâlder Sjoerd Feitsma fan de gemeente Ljouwert yn it provinsjehûs.
Wethâlder Sjoerd Feitsma fûn it opfallendste oan it rapport dat 'mar' acht prosint fan de Ljouwerter jongerein âlden hat dy't beide Frysk prate.
