LDODK bliuwt op heechste nivo

8 maart 2014, 23:54 • 1 minút lêstiid

De froulju fan LDODK fiere feest nei it feilichstellen fan de kuorbal league

Nei ôfrin waard der feestje boud yn de sporthal

LDODK heart ek takom seizoen by de bêste tsien kuorbalploegen fan Nederlân. De Gordyksters wûnen sneon de krusjale wedstriid tsjin OVVO mei 28-20. Dêrtroch is LDODK wis fan it feilige achtste plak yn de kuorbal league en moat OVVO as de nûmer njoggen promoasje/degradaasje duels spylje. Nic út Grins is degradeard. By it skoft stie LDODK mei 14-6 foar, mei in haadrol foar Markus de Boer mei fiif treffers.

Yn de twadde helte kaam de oerwinning net mear yn gefaar. Erwin Zwart wie mei 9 goals de tûkste, mar alle LDODK-ers wisten te skoaren.