Kleibeuker huldige op skoalle
Reedrydster Carien Kleibeuker is tiisdei huldige op de Albertine Agnesskoalle yn Oranjewâld. Dêr sit har 5-jierrich dochterke Annemijn op skoalle. It famke hat mei west nei de Olympyske Spelen yn Sotsji, dêr't Kleibeuker brûns wûn op de 5 kilometer.
Klasgenoatsjes fan Annemijn hawwe mei-inoar in krâns makke foar Kleibeuker en foar har songen. Boargemaster Van der Zwan fan Hearrenfean wie ek by it feest.