51.000 griene boekings Doeksen

11 feb 2014 - 10:42
De fearboaten fan Rederij Doeksen yn de haven fan Skylge - Foto: Omrop Fryslân, Ronald van der Pol

Rederij Doeksen hat yn 2013 mear as 51.000 saneamde griene boekings hân. Klanten fan de rederij betelje dan frijwillich 50 sint ekstra om de CO2-útstjit te kompensearjen. Ek alle oerfearten fan it personiel wurde op dizze wize ferrekene.

De kompensaasje betsjut dat 1500 húshâldens yn Súd-Afrika skjinner itensiede kinne. De 50 sint dy't ekstra betelle wurdt, giet nei it Fair Climate Fund en dy set dêrmei projekten op yn ûnder oare Súd-Afrika om de CO2-útstjit dêr omleech te krijen.

Op termyn wol Doeksen ek griene skippen mei in LNG-ynstallaasje brûke. Wannear dizze skippen der komme, wit Doeksen noch net.

(advertinsje)
(advertinsje)