Sterk begjin froulju It Fean

17 jan 2014 - 22:55

De fuotbalfroulju fan Sportklup Hearrenfean binne 2014 mei in moaie 5-2 oerwinning begûn tsjin Jong PSV. Op Sportpark De Herdgang yn Eindhoven iepene Yvonne Ploeg de skoare foar de Feansters. PSV naam dêrnei in 2-1 foarsprong. Vivianne Miedema, de topskutter fan Hearrenfean, liet doe har klasse sjen. Mei har twa doelpunten begûn Hearrenfean mei in 3-2 foarsprong oan de twadde helte. In eigen PSV goal brocht de marzje op twa. It slotakkoard wie opnij fan Vivianne Miedema. De Feanfroulju stean op it sechsde plak.

Diel dit berjocht op:
(advertinsje)