Follybal Snits krijt leske
De follybalfroulju fan Snits wiene sneontejûn lang net opwoeksen tsjin Sliedrecht Sport. Binnen in oere wie de wedstriid yn de Snitser Sporthal spile. Sliedrecht Sport wie mei 25-13, 25-14 en jitris 25-14 fierste sterk. Foar Snits wie dit it djiptepunt fan it seizoen. De ploech fan trainster Petra Groenland bliuwt sechsde yn de kompetysje, Sliedrecht Sport klom nei in dield earste plak.