Wer part Van der Meij oernaam
Der is wer in ûnderdiel fan autobedriuw Van der Meij yn Ferwert oernommen. Dat meldt kurator Rotshuizen. It giet no om it skeabedriuw. De hjoeddeistige direkteur Bauke Bosma nimt tiisdei mei in ynvestearder de bedriuwsaktiviteiten oer. De fjouwer wurknimmers hawwe in nij kontrakt oanbean krigen.
Earder wie al it garaazjepart oernaam. Mei de oername fan it skeabedriuw meitsje de belangrykste ûnderdielen fan it Van der Meij-konsern in trochstart. De wurkgelegenheid is foar it grutste part oereinbleaun.
