Jubileumoerwinning Hearrenfean
Foto: awfoto.nl
Sportklup Hearrenfean hat mei de winst sneontejûn op AZ syn 300e oerwinning yn de earedivyzje helle. Dat meldt de klup op syn webside. Hearrenfean fersloech AZ yn eigen stadion mei 4-2. De earste oerwinning yn de earedivyzje wie yn septimber 1990, doe't mei 2-1 wûn waard fan Utrecht. De 100e oerwinning waard yn 1999 helle, troch mei 1-0 te winnen fan PSV.
Yn 2006 koe de 200e oerwinning byskreaun wurde, doe't Hearrenfean mei 5-0 wûn fan Willem II.