Foppe: lieding moat opstappe

06 jul 2013 - 15:25

De folsleine lieding fan Sportklup Hearrenfean moat fuort. Dat seit âld-trainer Foppe de Haan sneo yn it radioprogramma Sportzomer Gasten fan de NOS. De Haan hat syn stânpunt ôfrûne tongersdei ek kenber makke oan de kommisje dy't ûndersyk docht nei de situaasje by Hearrenfean.

Dy kommisje sjocht ûnder oare nei it draachflak foar de hjoeddeiske direksje, wêrûnder technysk direkteur Johan Hansma, en de Ried fan Kommissarissen.

Neffens de Haan wiene de belangrykste kearnwearden fan de klup dat alles meiïnoar dien waard en dat alle kennis mei elkoar dield waard om sa goed mooglik te wurden. Dat is feroare, it binne allegear eilantsjes wurden. De Haan fynt it wol in goeie saak dat trainer Marco van Basten him neat fan alle kommoasje oanlutsen hat en syn spilers der tsjin beskerme hat.

Diel dit berjocht op:
(advertinsje)