De Ice Challenge dy't sneon yn iisstadion Thialf op It Hearrenfean holden wurdt belooft in grut sukses te wurden. Der binne al mear as trijehûndert oanmeldings. Hjirûnder binne âld-topreedrider Jan Ykema en sjongeres Iris Kroes. De Ice Challenge wurdt organisearre yn gearwurking mei The Iceman, Wim Hof.
It doel is om yn it Guinness Book of Records te kommen. Om dat te berikken moatte minimaal 250 dielnimmers ien kilometer op bleate fuotten oer it iis fan Thialf rinne.
