Tréwes 2 wint NK sloeproeien
De manlju fan roeiploech Tréwes 2 út Aldeboarn binne sneon yn Amsterdam Nederlânsk kampioen sloeproeien wurden. Yn de Amsterdamske grêften gie de striid om de nasjonale titel tusken twa Fryske ploegen. De oare kânshawwer wie Hjoed 'n Makkie út Frjentsjer.
Yn min waar moasten de roeiers út Aldeboarn fjouwer minuten goed meitsje op de manlju út Frjentsjer. Dat slagge en dêrmei wie de titel binnen.
