Oanlis glêsfezel op Skylge úteinset: "Verbetering voor contacten met de overkant"

De oanlis fan glêsfezel op Skylge © Omroep Zilt, Lennard Geerts
De wurksumheden foar de oanlis fan glêsfezel op Skylge binne los. Wylst hjir en dêr al groeven wurdt, waard moandei de offisjele ôftraap jûn foar hûnderten kilometers kabel.
Jeltje Hoekstra mocht moandei de earste tsien sintimeter grave ûnder de Brandaris. "Het eiland mag blij zijn dat ik de rest niet hoef te doen", laket de wethâlder. "Gelukkig hebben ze daar vakmensen voor."
Kommende winter moat der sa'n 580 kilometer glêsfezelkabel oanlein wurde op it eilân. Dat kin foar oerlêst soargje, mar neffens Hoekstra is it wol wichtich foar it eilân.
"Misschien nog wel belangrijker dan voor een gemeente aan de wal, omdat we hier alles toch veel op afstand moeten doen. Dit zal een hele verbetering zijn voor de contacten die we hebben met de overkant."