Marrit Steenbergen sjocht mondiale potinsje yn jong estafetteteam
Swimster Marrit Steenbergen sjocht in soad potinsje yn de estafetteploech op de 4x200 meter frije slach. It jonge Nederlânske kwartet, wêryn't Steenbergen mei har 22 jier de âldste is, pakte juster op it EK yn Rome ferrassend goud op it ûnderdiel.
It Nederlânske team pakte it goud yn in tiid fan 7.54,07. Op de Olympyske Spelen fan Tokio ferline jier hie dat goed west foar it sânde plak. Yn Rome swommen net alle lannen yn de sterkste opstelling. "Maar daar kunnen wij niets aan doen. Wij zijn hier gewoon de snelste en pakken een Europese titel."
Steenbergen wie tongersdei de slotswimster. Nederlân lei op dat stuit twadde, mar mei in rappe tiid gong Steenbergen koprinner Grut-Brittannië foarby.
Er zit heel veel rek in deze ploeg.
De titel wie in primeur foar Oranje. "We hebben nu vier meiden die heel goed zijn op de 200 vrij", seit Steenbergen. "Janna van Kooten is pas 17 jaar, ik ben met 22 jaar de oudste. We zijn nog lang niet uitgegroeid. Er zit heel veel rek in deze ploeg."
De swimster fan Easterwâlde hopet dat se allegear noch wat trochgroeie kinne. "Volgend jaar op de WK willen we deze finale ook zwemmen. Dan kunnen we zien wat we op wereldniveau kunnen. Deze Europese titel is een heel mooie stap en geeft inspiratie."
Fan jonky nei ûnderfining
Steenbergen wie lange tiid de jongste swimster, mar nei it ôfskied fan Ranomi Kromowidjojo en Femke Heemskerk hat sy just de measte ûnderfining.
"Mijn rol is wel veranderd", seit se nei de gouden race. "Als jongste sta je anders in zo'n groep, dan is alles spannend en wil je het vooral heel graag goed doen. Nu heb ik wat meer ervaring dan de andere meiden. Voor hen is dit allemaal nieuw. Ik probeer ze te helpen, ook door kort voor zo'n finale tegen ze te zeggen: het komt goed, gewoon allemaal je 'ding' doen. En vooral: geniet ervan, want dit is een EK-finale."
Yndividueel wol Steenbergen ek prizen pakke. Ferline jier slagge dat al op it EK koartebaan, no moat it gebeure yn in 50-meterbad. Freedtejûn is de finale fan de 100 meter frije slach.
"Mijn vorm is heel goed", seit se. "De coronaperiode is een soort 'reset' voor me geweest. Ik heb een paar jaar gehad waarin mijn zelfvertrouwen iedere keer een klap kreeg. Dit seizoen gaat het allemaal supergoed en dat geeft heel veel vertrouwen."
Njonken de 100 meter frij komt Steenbergen hjoed ek yn aksje op de 4x100 meter wikselslach mingd. Freedtemoarn is de heale finale, freedtejûn de striid om de medaljes.
