Boeren protestearje wer by provinsjehûs yn Ljouwert tsjin stikstofplannen
Sa'n twahûndert boeren binne woansdei by it provinsjehûs yn Ljouwert om te protestearjen tsjin de stikstofplannen fan it kabinet.
Yn it provinsjehûs waard yn in spesjale seal romte makke foar de boeren om te praten mei steateleden. De parse mocht dêr net by wêze.
De boeren wolle dat de lanlike stikstoftregels fan tafel gean. De provinsje hâldt fêst oan in provinsjale ynfolling fan fermindering fan de stikstofútstjit. De boeren wienen dêr sa lilk en teloarsteld oer dat se beammen foar de yngong fan it provinsjehûs skoden.
Dêrnei binne de boeren fuortgien. It provinsjehûs is yntusken hermetysk ôfsletten. De plysje bewekket it gebou ûnder oaren mei drones.
Neffens ferslachjouwer Onno Falkena hie de aksje net folle langer duorje kind. De plysje oerwage om de ME yn te setten.