Liveblog
|
1 maaie 2022
Fan minút oant minút: in Fryske derby om net gau te ferjitten
It is de dei fan de Fryske derby: sc Hearrenfean en SC Cambuur spilen spektakulêr lyk: 3-3.
- Lês hjir it wedstriidferslach;
- Hearrenfean hie earder dien wurk meitsje moatten, fynt Tobiasen;
- Mitchel Paulissen hat ien minút tocht dat er matchwinner wie;
- Sa belibben supporters fan beide klups de derby.
Lêst bywurke: 1 maaie 2022, 17:52
15:23
"Er kwam een beetje woede uit"
15:14
"Ik heb één minuut genoten van m'n doelpunt"
15:08
Woudenberg siet tsjin syn twadde giele kaart oan
15:02
Cambuur gong fan grutte blydskip nei swiere teloarstelling
14:54
Tobiasen baalt dat Hearrenfean de wedstriid net ôfmakke hat
14:43
Cambuur hat der alles oan dien, seit Maulun
14:21
Even bykomme
It wie al in oantreklike wedstriid, mar it spektakel yn de slotfaze makke it hielendal ôf. It wie in Fryske derby om net gau te ferjitten.
Ferslachjouwers Roelof de Vries en Andor Faber helje no reaksjes fan de trainers en spilers. Dy komme dalik ek op ús webside en app.
14:15
90+6. Doelpunt Hearrenfean
Van Aken 3-3!
Wat in slotfaze! Milan van Ewijk krijt de bal by Joost van Aken, dy't Hearrenfean dochs noch in punt besoarget. Yn de sechsde minút fan blessuretiid!
14:11
90+4. Doelpunt Cambuur
Doelpunt Cambuur!
Mitchel Paulissen set Cambuur yn de lêste minút fan blessueretiid op foarsprong, it is 3-2 foar de Ljouwerters.
14:05
88. Siem de Jong deryn
Tibor Halilovic hat hjoed fiif kear sketten foar Hearrenfean, mar hieltyd sûnder sukses. Hy wurdt no wiksele. Siem de Jong is syn ferfanger.
13:57
80. Wiksel Cambuur
Cambuur wikselet wer. Michael Breij mei noch goed tsien minuten meidwaan, hy ferfangt Patrick Joosten.
13:56
79. Hearrenfean gefaarlik
Nei in hoekskop fan Haye is it even spannend foar it doel fan Cambuur. Earst kinst Anthony Musaba net ôfwurkje. Dêrnei komt de bal werom by Haye, dy't in pear sintimeter oer sjit.
13:54
77. Kânske Sarr
It begjin fan de twadde helte wie dúdlik foar SC Cambuur, mar nei de 2-2 komt Hearrenfean wer wat better yn de wedstriid. Hiel grutte kânsen smyt it noch net op, al moat Stevens no yngripe by in skot fan Sarr.
13:50
Twa giele kaarten
It wie oant no ta allegear frij kalm, mar foar de twadde kear yn twa minuten is der wat opskuor op it fjild. Nijhuis jout giel oan Woudenberg en Paulissen.
13:48
71. Halilovic sterk
Opnij krijt Tibor Halilovic in kâns foar de thúsploech. Hy spilet himsels knap frij yn it strafskopgebiet fan Cambuur, mar syn skot is te slop.
13:47
70. Wiksel Hearrenfean
Sydney van Hooijdonk giet nei de kant by Sportklup Hearrenfean, syn ferfanger is Anthony Musaba.
13:42
65. Cambuur 2-2
Doelpunt Cambuur!
Robin Maulun sjit de strafskop binnen. Erwin Mulder kiest de ferkearde hoeke. It is 2-2. Op basis fan it begjin fan de twadde helte is de lykmakker terjochte.
13:41
64. Strafskop Cambuur
Skiedsrjochter Nijhuis hat de bylden besjoen. Hy jout in strafskop oan Cambuur.
13:40
62. Kopbal tsjin 'e latte
Dêr wie hast de twadde goal fan Roberts Uldrikis. Syn kopbal komt tsjin 'e latte oan.
Dêrnei makket Van Aken in oertreding op Kallon. Nijhuis jout gjin strafskop, mar de VAR sil nei alle gedachten oars beslute.
13:34
57. Cambuur better
Yn de earste helte wie Hearrenfean de bettere ploech, no is it benammen Cambuur dat yn de oanfal is. De bêste kânsen binne wol foar Hearrenfean, dat der twa kear gefaarlik útkaam is yn de counter.
13:32
55. Cambuur wikselet
Cambuurtrainer Dennis Haar wikselet twa kear. Marco Tol en Mitchel Paulissen komme it fjild yn foar Calvin Mac-Intosch en Jamie Jacobs.
13:29
52. Kallon hat lest
Issa Kallon hat noch hieltyd lest fan dat momintsje yn it strafskopgebiet fan Hearrenfean in pear minuten lyn. Hy liket dochs fierder te kinnen.
13:27
49. Oertreding op Kallon?
Even in spannend momint yn it strafskopgebiet fan Hearrenfean, nei't Issa Kallon nei de grûn giet. Nijhuis sjocht der gjin oertreding yn.
Yn de tsjinoanfal krijt Halilovic in kâns, mar syn wylde skot giet oer it doel fan Stevens.
13:23
Twadde helte los
De twadde helte fan Hearrenfean - Cambuur is begûn. It stiet 2-1.
13:07
Skoft: 2-1
It is skoft yn it Abe Lenstra Stadion. Hearrenfean stiet mei 2-1 foar tsjin Cambuur. De foarsprong is fertsjinne.
13:03
45+2. Blessuere Erik Schouten
In tebeksetter foar SC Cambuur. Oanfierder Erik Schouten hat lest fan it skouder, nei't er ferkeard delkomt by in duel. Hy liket fierder te kinnen, al giet it noch net fan herte.
12:59
43. Wiksel Hearrenfean
Nick Bakker kin net fierder en moat wiksele wurde. De Hearrenfeanferdigener wurdt ferfongen troch Joost van Aken.
12:55
38. Giel foar Sven van Beek
Sven van Beek krijt de earste giele kaart fan de wedstriid.
12:50
34. Van Hooijdonk 2-1
Doelpunt Hearrenfean!
Sportklup Hearrenfean stiet wer op foarsprong. Sydney van Hooijdonk kopt in frije traap fan Thom Haye binnen. De spits fan Hearrenfean stie wol hiel frij.
12:44
27. Bûtenspulgoal Hearrenfean
Hiel even tinkt Hearrenfean oan in nije foarsprong, nei't Van Hooijdonk knap raak sjit. Mar hy stie bûtenspul, dus dat feestje giet foar de thúsploech net troch.
12:40
23. Kânsen beide kanten op
Krekt nei't Uldrikis krekt tekoart komt om in foarset fan Jacobs binnen te koppen, krijt Amin Sarr oan de oare kant fan it fjild in grutte kâns. Syn hurde skot giet mar krekt oer.
12:34
17. Halilovic krekt njonken
Dêr wie Tibor Halilovic ticht by in nije goal foar Hearrenfean. De Kroäat krijt de bal fan Amin Sarr en sjit dêrnei krekt njonken.
12:29
12. Cambuur op 1-1
Doelpunt Cambuur!
It is wer lyk. Patrick Joosten jout foar, en tusken trije sintrale ferdigeners yn kin Roberts Uldrikis ynkoppe. It is syn sechsde goal foar Cambuur, it is 1-1.
12:28
10. Schmidt heech oer
Foar it earst komt Cambuur yn de buert fan Hearrenfeandoelman Mulder. In foarset fan Kallon komt net oan. Dêrnei giet it ôfstânsskot fan Doke Schmidt heech oer.
12:25
Sterk begjin Hearrenfean
Der binne acht minuten spile yn it Abe Lenstra Stadion. De iepeningsfaze is dúdlik foar Hearrenfean.
12:19
2. Doelpunt Hearrenfean
1-0 Hearrenfean!
Sportklup Hearrenfean komt al binnen twa minuten op foarsprong. Thom Haye set foar en Anas Tahiri wurket hiel moai binnen.
12:18
1. Kâns Amin Sarr
De earste kâns fan de wedstriid is foar Amin Sarr, nei trochkopjen fan Sydney van Hooijdonk. Sonny Stevens bringt rêding foar Cambuur.
12:17
We binne los!
Skiedsrjochter Nijhuis hat fluite foar it begjin fan de wedstriid, Hearrenfean - Cambuur is begûn!
12:03
De thúsfans binne optimistysk
11:53
De supporters komme it stadion yn, de plysje stiet paraat
11:54
Ole Tobiasen is syn assistinten tankber foar it wurk dizze wike
11:38
De Omrop is derby!
De ekstra lange radioútstjoering fan Omrop Fryslân oer de Fryske derby is yntusken begûn. We binne der live by oant 15.00 oere, mei ferslach, analyzes en ynterviews.
11:28
Oan 'e kant!
11:25
It is drok
11:03
Van Ewijk en Dresevic werom by Hearrenfean
Milan van Ewijk en Ibrahim Dresevic hawwe wer in basisplak by Hearrenfean. Sy misten de foarige wedstriid tsjin AZ. Lucas Woudenberg behâldt syn plak op linksback. Rami Kaib sit op de bank. Joost van Aken is werom yn de wedstriidseleksje. Hy begjint op de bank.
11:02
De seleksje fan Cambuur is op It Hearrenfean
11:00
De opstelling fan Cambuur is bekend
David Sambissa is de ferfanger fan Sekou Sylla op de linksback. Sonny Stevens stiet yndie op goal. Pieter Bos sit op de bank. Fierder gjin ferrassingen by de Ljouwerters.
10:55
Dit ferwachtsje de Cambuursupporters derfan
10:52
Cambuursupporters winskje har ploech sukses ta
10:50
Moaie omstannichheden foar in derby
10:18
Cambuursupporters nei It Hearrenfean, twa bussen stikken
De supporters fan Cambuur binne ûnderweis nei It Hearrenfean. Der is lykwols in probleem: twa bussen dogge it net.
10:10
Sonny Stevens ûnder de latte by Cambuur
SC Cambuur begjint oan de Fryske derby mei Sonny Stevens as keeper. Dat hat de technyske stêf fan de Ljouwerters yntern bekendmakke.
Op 6 maart rekke Stevens blessearre oan it ankel yn it duel mei FC Twente. Dêrnei naam Pieter Bos it oer en de Bûtenposter wie tefreden oer syn eigen optredens. Stevens is no wer fit en dus kiest de technyske stêf fan de Ljouwerters wer foar him.
10:06
Tobiasen gewoan op de bank
10:06
Wolkom by dit liveblog
It is de dei fan de Fryske derby, sc Hearrenfean tsjin SC Cambuur. Yn dit liveblog hâlde we jo op de hichte fan de lêste ûntwikkelingen. Fan 11.00 oere ôf begjint by Omrop Fryslân op de radio in ekstra sportprogramma live út it Abe Lenstra Stadion wei. De presintaasje is yn hannen fan René Koster.
Lucas Bijker en Geert Jelle de Vries binne âld-spilers fan beide klups en sille oanskowe as analisten. It ferslach fan de wedstriid komt fan Andor Faber en Roelof de Vries.