Soarch wol Oekraynske flechtlingen helpe: "Kijken wat we kunnen betekenen"

Oanbieders fan âldereinsoarch yn de noardlike provinsjes biede Oekraynske flechtlingen harren help oan. Se wolle graach fan de flechtlingen hearre hoe't se dat it bêste dwaan kinne.
© ANP
Njonken de soarchoanbieders binne ek it mbû en hbû-ûnderwiis yn Fryslân, Grinslân en Drinte belutsen by de aksje. Itselde jildt foar wurkjouwersorganisaasje ZorgpleinNoord en VluchtelingenWerk.
Roeli Mossel is fan de koöperaasje fan soarchorganisaasjes yn Noard-Nederlân. Troch in artikel yn de krante kaam de organisaasjes op it idee. "Wij lazen over een Oekraïnse vluchteling die in het noorden is gehuisvest en die graag wat wilde doen. Die had een zorgopleiding in Oekraïne afgerond en wilde aan de slag."
"Toen zijn we gaan denken, ook met een aantal zorgaanbieders, en Vluchtelingwerk is ook betrokken. Wij hebben gezegd wij gaan dit initiatief vlottrekken en kijken wat we kunnen betekenen."

Earste faze

It idee sit yn de opstartfaze, Mossel hopet dêrom de kommende tiid de earste kontakten te lizzen. "Wij hopen dat mensen zich gaan melden die kunnen helpen om die verbinding breed tot stand te brengen. Zodat we ook zicht krijgen op wat deze mensen graag willen."
Roeli Mossel © Omrop Fryslân
Dêrnei kin sjoen wurde wat oft de Oekraynske flechtlingen dwaan kinne. "Voor de één zal het vrijwilligerswerk zijn, maar er kan ook écht werk uit voortkomen. Mensen die in Oekraïne een zorgopleiding gedaan hebben, kunnen mogelijk hier ook iets doen in de zorg."
Mossel wit noch net oft der in soad animo is. De soarchorganisaasjes wolle dêrom earst sjen oft der wat flecht op de koai is. Mossel tinkt dat de soarchynstellingen yn it Noarden fan dit soarte fan projekten ek in soad leare oer hoe't je minsken mei allegearre oare eftergrûnen entûsjast krije foar de soarchsektor.

Perspektyf biede

It ynsetten fan kwafilisearre minsken út Oekraïne wei soe in oplossing wêze kinne foar de personielstekoarten yn de soarch, seit Mossel.
Foarearst leit de klam lykwols op it lizzen fan ferbining mei de minsken. "Hopelijk krijgen mensen niet enkel ruimte voor de verwerking van de vervelende en ernstige dingen die ze hebben meegemaakt, maar ook weer wat perspectief in hun leven. Als daar werk uit voortkomt, is dat voor ons ook heel erg fijn."