Fryske brânwacht wurdt platbelle: 'Bel alleen 112 bij acuut gevaar'

By it neednûmer 112 komme snein in soad net-spoedeaskjende meldingen binnen. Veiligheidsregio Fryslân docht dêrom de oprop om inkeld 112 te beljen by libbensbedriigjende sitewaasjes, lykas ynstoartingsgefaar.
© Noordernieuws
"Er komen momenteel erg veel meldingen binnen van omgewaaide schuttingen, losliggende dakpannen, loshangende takken en stormschade aan bomen", meldt de brânwacht.
Earder rôp de feilichheidsregio minsken op om te beljen mei it nûmer 0900-0904, as de brânwacht komme moast wylst der gjin haast by wie. Dat nûmer wurdt no ek platbelle, meldt de brânwacht. Dy ropt op om allinne "bij acuut gevaar" te beljen.
"Hoe vervelend stormschade ook is, bel hiervoor eerst met een hovenier, een gespecialiseerd bedrijf, je verzekeraar, je woningcorporatie of de gemeente. Kan het wachten? Wacht dan tot de wind is gaan liggen."
De brânwacht moast snein ferskate kearen yn aksje komme. Yn Boalsert hongen platen los op in dak oan de Brigade Irenelaan. Yn Kollum rekken parten fan de sporthal los. By soarchsintrum Leppehiem yn Akkrum barde dat ek mei in stik daklear by it liftgebou.