Nije Cambuurstadion op 1 septimber 2023 klear
It nije Cambuurstadion en de Friese Poort binne op syn letst op 1 septimber 2023 klear foar gebrûk. Dat hat ûntwikkeler Van Wijnen witte litten.
It kolleezje fan B en W skriuwt oan de Ljouwerter gemeenteried dat der noch wol in protte stappen set wurde moatte. It giet dan bygelyks om it ferlienen fan de omjouwingsfergunning. Van Wijnen moat dêrfoar noch wol in oantal dokuminten oanleverje.
Grûnoerdracht
Noch net alle kontrakten binne rûn. De gemeente kin de grûn dêrom noch net oerdrage oan Van Wijnen. Der wurdt wol in útsûndering makke foar McDonald's. Sy meie al foar de grûnoerdracht bouwe. Op 21 febrewaris sil dêrmei begûn wurde.
