Twa ynternasjonale hurdfytseveneminten yn Fryslân begjin maart
Der wurde dit jier twa ynternasjonale hurdfytseveneminten yn Fryslân organisearre. It giet om de Bloeizone Fryslân Driedaagse en de Visit Friesland Elfsteden Race. De earste is fan 3 oant en mei 5 maart en de Elfsteden Race is op 6 maart. Merk Fryslân sil de tochten sponsorje.
De Bloeizone Fryslân Driedaagse is in ynternasjonale wedstriid foar froulju. Topteams lykas Trek-Segafredo, Jumbo-Visma en LIV Racing sille dêroan meidwaan.
De wedstriid bestiet út trije etappes, fertelt Thijs Rondhuis fan de organisaasje. "Op donderdag 3 maart een tijdstip in Surhuisterveen, 4 maart de etappe van Eastermar naar Bakkeveen, zaterdag 5 maart een etappe Drachten - Drachten. Waar we de wereldtop van de vrouwentop hebben. Vier dagen top wielersport in Fryslân."
Finansjeel en organisatoarysk wie it noch in opjefte om de ritten der te krijen, seit Rondhuis: "Het is de afgelopen periode een hele uitdaging geweest, daarom zijn we er ook laat mee naar buiten gekomen. We hebben ontzettend veel inspanningen moeten leveren om het voor elkaar te krijgen."
Elfsteden Race
De Elfsteden Race is foar opliedingsteams en UCI Continental-teams. De race wurdt de earste selsstannige wedstriid foar manlju op de ynternasjonale kalinder yn Fryslân sûnt 2012. By dizze wedstriid sille de fytsers de alvestêdetocht fytse, mei start en finish yn Ljouwert.
De wedstriden wurde streekrjocht útstjoerd op Omrop Fryslân.
Thijs Rondhuis oer de hurdfytseveneminten yn Fryslân
