Nei seis wiken delgong no wer groei yn tal coronagefallen
Foar it earst sûnt mids novimber hat it RIVM yn ien wike wer mear coronagefallen fêststeld as yn de sân dagen dêrfoar. Dizze wike ha 3.577 Friezen posityf test op it coronafirus, tsjinoer 3.095 in wike earder: in groei fan goed 15 prosint.
Gemiddeld binne der yn Fryslân de ôfrûne wike alle dagen 511 besmettingen by kaam. Ferline wike wie dat trochsneed 443, noch in wike earder 591.
De measte besmettingen binne de ôfrûne sân dagen fêststeld yn de gemeente Ljouwert: 809. Dat is in groei fan mear as 34 prosint. Nei Ljouwert wienen de measte positive tests fan ynwenners fan Súdwest-Fryslân (558) en Smellingerlân (315).
Skylge en Dantumadiel omrekkene de measte besmettingen
Opfallend is it relatyf hege oantal besmettingen op Skylge. Dêr binne dizze wike 38 minsken posityf test op it firus.
Fan de fêstelânsgemeenten is it tal besmettingen relatyf it heechst yn Dantumadiel. Foar eltse 100.000 ynwenners binne dêr dizze wike 692 besmettingen fêststeld. Nei Dantumadiel komme Ljouwert (652 op 100.000 minsken) en Súdwest-Fryslân (620).
Fjouwer stjergefallen, alve sikehûsopnamen
Yn de ôfrûne wike binne der fjouwer Friezen ferstoarn oan it coronafirus. Dat binne der twa minder as ferline wike. It giet om ynwenners fan de gemeenten Dantumadiel, Ljouwert, Noardeast-Fryslân en Waadhoeke.
Der binne de ôfrûne wike alve Friezen mei it coronafirus yn it sikehûs opnaam. Dat binne fiif minder as in wike earder.
Tal sikehûsopnamen en stjergefallen de wike ûnder ynwenners fan Fryslân (sjochst de grafyk net goed, klik dan hjir):
Mei de 3.101 positive testen fan de ôfrûne wike is no yn totaal 101.015 kear it coronafirus fêststeld yn Fryslân.
It offisjele stjertesifer yn ferbân mei it firus yn de provinsje Fryslân leit op 582. It echte tal stjergefallen as gefolch fan it firus leit heger, om't net elkenien test wurdt. Dêrom is net fan elts stjergefal bekend oft dat oan it firus lei of net.
Faksinaasjegraad 80 persint
De faksinaasjegraad yn Fryslân leit ûnder it lanlik trochsneed. Fan alle Friezen fan tolve jier en âlder is 80 persint folslein faksinearre (mei of sûnder boosterprik). Lanlik leit it op 84,4 persint.
De gemeenten mei de leechste faksinaasjegraad ûnder tolveplussers binne Dantumadiel en Achtkarspelen (74 persint) en Noardeast-Fryslân (77 persint).
Tal besmettingen en stjergefallen de wike
Wike | Besmettingen | Stjergefallen |
31 desimber - 6 jannewaris | 3.577 | 4 |
24 desimber - 30 desimber | 3.095 | 6 |
17 desimber - 23 desimber | 4.140 | 19 |
10 desimber - 16 desimber | 4.530 | 23 |
3 desimber - 9 desimber | 5.524 | 9 |
26 novimber - 2 desimber | 5.927 | 8 |
19 novimber - 25 novimber | 6.295 | 8 |
12 novimber - 18 novimber | 4.432 | 6 |
6 novimber - 11 novimber | 3.565 | 2 |
30 oktober - 5 novimber | 1.950 | 3 |
22 oktober - 29 oktober | 1.603 | 3 |
15 oktober - 21 oktober | 1.119 | 2 |
8 oktober - 14 oktober | 779 | 1 |
1 oktober - 7 oktober | 502 | 0 |
24 septimber - 30 septimber | 530 | 0 |
17 septimber - 23 septimber | 598 | 0 |
10 septimber - 16 septimber | 876 | 1 |
3 septimber - 9 septimber | 988 | 1 |
27 augustus - 2 septimber | 755 | 0 |
20 augustus - 26 augustus | 737 | 0 |
13 augustus - 19 augustus | 547 | 1 |
6 augustus - 12 augustus | 535 | 2 |
30 july - 5 augustus | 589 | 2 |
23 july - 29 july | 838 | 1 |
16 july - 22 july | 1.471 | 1 |
9 july - 15 july | 1.474 | 1 |
2 july - 8 july | 232 | 0 |
25 juny - 1 july | 69 | 1 |
18 juny - 24 juny | 89 | 0 |
11 juny - 17 juny | 136 | 1 |
4 juny - 10 juny | 267 | 1 |
28 maaie - 3 juny | 540 | 0 |
21 maaie - 27 maaie | 674 | 2 |
14 maaie - 20 maaie | 927 | 3 |
7 maaie - 13 maaie | 1.129 | 3 |
30 april - 6 maaie | 1.177 | 4 |
23 april - 29 april | 1.358 | 4 |
16 april - 22 april | 1.505 | 1 |
9 april - 15 april | 1.470 | 6 |
2 april - 8 april | 1.533 | 4 |
26 maart - 1 april | 1.651 | 7 |
19 maart - 25 maart | 1.666 | 10 |
12 maart - 18 maart | 1.611 | 10 |
5 maart - 11 maart | 1.180 | 16 |
26 febrewaris - 4 maart | 1.162 | 19 |
19 febrewaris - 25 febrewaris | 1.350 | 21 |
12 febrewaris - 18 febrewaris | 1.129 | 39 |
5 febrewaris - 11 febrewaris | 1.207 | 41 |
29 jannewaris - 4 febrewaris | 1.181 | 30 |
22 jannewaris - 28 jannewaris | 1.310 | 29 |
15 jannewaris - 21 jannewaris | 1.592 | 20 |
8 jannewaris - 14 jannewaris | 1.529 | 18 |
1 jannewaris - 7 jannewaris | 1.697 | 17 |