Ljouwerter riedslid Harry Bevers foar VVD de Twadde Keamer yn

It Ljouwerter gemeenteriedslid Harry Bevers wurdt Twadde Keamerlid foar de VVD. Der ûntstiet plak foar him om't ferskate Keamerleden trochskowe nei it nije kabinet.
Harry Bevers © twitter.com/Harry_Bevers
Bevers stie op nûmer 43 op de VVD-kandidatelist by de ferkiezingen. Dat wie yn prinsipe te leech foar in plak yn de Keamer, omdat de VVD 34 sitten krige.
Mar no't de VVD opnij yn de regearing sit, komme trije Keamerleden yn it kabinet: Mark Rutte (premier), Mark Harbers (minister Ynfrastruktuer en Wettersteat) en Aukje de Vries (steatssekretaris Taslaggen en Dûane). In pear oare kandidaten op de list, dy't dêrtroch de Keamer yn komme soenen, ha oanjûn dat se net de Keamer yn wolle.
Bevers is berne yn Maassluis, is 56 jier en hat hast tolve jier yn de gemeenteried fan Ljouwert sitten. Hy is sels tige wiis mei syn beneaming en fynt it bysûnder en earfol om te dwaan. "Gister stond ik even in de plenaire zaal. Nou, dat is best indrukwekkend. Dat je daar onderdeel vanuit mag gaan maken, vind ik toch echt heel bijzonder."
Mijn vader was kraanmachinist, mijn moeder was huisvrouw. En dit was voor ons soort mensen niet weggelegd.
Harry Bevers
It wie fan hûs út net fanselssprekkend dat hy Twadde Keamerlid wurde soe. "Mijn vader was kraanmachinist, mijn moeder was huisvrouw. En dit was voor ons soort mensen niet weggelegd. Mijn ouders hebben mij altijd heel erg gestimuleerd om te studeren en om verder te gaan, maar dit was toch wel heel ver weg. Dat besef draag ik ook wel mee."
Dat besef wol er ek útdrage yn syn nije funksje. "Het is dus in Nederland echt mogelijk, en ik ben daar dan een beetje een voorbeeld in, dat het er niet toe doet wat je achtergrond is. Maar, dat je dus wel zover kan komen."

Ynstallaasje

Bevers is no noch ûndernimmer, hy hat ûnder oare in ynternetbedriuw. Dat wurdt trochset troch in kompanjon. De Ljouwerter wurdt nei alle gedachten oer in wike offisjeel ynstallearre. It is noch net bekend mei watfoar ûnderwerpen Bevers him dwaande hâlde sil yn Den Haag.
Nei Romke de Jong (D66), Tjeerd de Groot (D66), Harry van der Molen (CDA) en Habtamu de Hoop (PvdA) is Bevers it fiifde Fryske Keamerlid. Maarten Goudzwaard komt foar JA21 tydlik yn de Twadde Keamer.
Harry Bevers