Kramer en Michelle de Jong wis fan olympysk ticket
Sven Kramer mei syn olympyske titel op de 5.000 meter ferdigenje. Hy is ien fan de sân Fryske langebaanriders dy't troch de KNSB selektearre is foar de Winterspelen yn Peking.
Njonken Kramer giet ek Jorrit Bergsma nei de Olympyske Spelen by de manlju. Bergsma rydt yn prinsipe op trije ôfstannen: de 5.000 meter, de 10.000 meter en de massastart. Kramer rydt njonken syn 5.000 meter ek de ploege-efterfolging en de massastart.
Dat Kramer de massastart ride sil, is in ferrassing. "Met Sven naast Jorrit in de massastart hebben we een koppel dat de buitenlandse concurrentie angst inboezemt, en terecht", seit technysk direkteur Remy de Wit fan de KNSB.
OKT
De KNSB basearret de seleksje foar in grut part op de resultaten fan it olympysk kwalifikaasjetoernoai, de ôfrûne wike.
Allinnich Tijmen Snel en Dai Dai N'tab falle derbûten. Se hienen har wol yn de matriks riden, op respektyflik de 1.500 meter en 500 meter.
Yn de matriks stienen se boppe Sven Kramer, mar de Fries krijt de foarkar, omdat er ek op de ploege-efterfolging yn aksje komt. Dêrom moast der al ien fan de twa ôffalle. Mar se falle beiden ôf, omdat de KNSB ek Marcel Bosker yn aksje ha wol op de ploege-efterfolging.
Seleksje manlju
| Rider | Ofstannen |
| Jorrit Bergsma | 5.000, 10.000, massastart |
| Sven Kramer | 5.000, ploege-efterfolging, massastart |
| Thomas Krol | 500, 1.000, 1.500 |
| Kjeld Nuis | 1.500 |
| Hein Otterspeer | 1.000 |
| Patrick Roest | 5.000, 10.000, ploege-efterfolging |
| Merijn Scheperkamp | 500 |
| Kai Verbij | 500, 1.000 |
| Marcel Bosker | 1.500, ploege-efterfolging |
Fiif Fryske froulju meitsje de reis nei Sina ta: Antoinette de Jong, Ireen Wüst, Femke Kok, Marijke Groenewoud en Michelle de Jong komme yn febrewaris yn aksje.
Antoinette de Jong krijt in drok programma: sy rydt trije yndividuele ôfstannen en de ploege-efterfolging. Ireen Wüst rydt twa yndividuele ôfstannen en de ploege-efterfolging.
Seleksje froulju
| Rider | Ofstannen |
| Antoinette de Jong | 1.000, 1.500, 3.000, ploege-efterfolging |
| Ireen Wüst | 1.000, 1.500, ploege-efterfolging |
| Femke Kok | 500 |
| Marijke Groenewoud | 1.500, massastart |
| Michelle de Jong | 500 |
| Jutta Leerdam | 500, 1.000 |
| Sanne in 't Hof | 5.000 |
| Irene Schouten | 3.000, 5.000, ploege-efterfolging, massastart |
| Carlijn Achtereekte | 3.000 |
Foar Michelle de Jong wie it noch even spannend. Nei it OKT stie se hielendal ûnderoan yn de matriks. Mar omdat alle rydsters op yndividuele ôfstannen ek op de ploechûnderdielen yn aksje komme kinne, hoecht de KNSB gjinien te passearjen. Michelle de Jong mei dêrom de 500 meter ride yn Peking.
