Coronanijs 14 desimber: Alle maatregels ferlinge oant 14 jannewaris

Om de boosterkampanje yn Fryslân op tempo te bringen, komt der yn it WTC Expo yn Ljouwert in ekstra grutte hal. Dat seit boargemaster Sybrand Buma.

Alle reizgers út de Europeeske Uny dy't Italië yn wolle moatte fan tongersdei ôf in negative coronatest sjen litte kinne. Minsken dy't net faksinearre binne, moatte ek noch fiif dagen yn karantêne. De maatregels jilde yn elts gefal oant 31 jannewaris.

It kabinet lûkt 4,4 miljard út foar in ekonomysk stipepakket fan ûndernimmers. Troch de coronamaatregels kinne sy yn elts gefal oant 14 jannewaris net ûnbehindere harren wurk dwaan.

Alle Nederlanners fan 18 jier en âlder dy't op syn minst trije moannen lyn folslein faksinearre binne of opknapt fan it coronafirus, kinne yn jannewaris in boosterprik krije tsjin it coronafirus. Dat hat demisjonêr minister Hugo de Jonge oankundige yn de coronaparsekonferinsje.

"Een derde prik werkt 75 procent tegen de infectie met de omikronvariant", seit Hugo de Jonge. It is lykwols noch net dúdlik of minsken ek siker wurde fan de fariant.

"De signalen uit Denemarken en Groot-Brittannië zijn erg zorgwekkend", seit Rutte oer de omikronfariant. "Dus reken niet meteen op versoepelingen."

Blijf zoveel mogelijk in de bubbel van het eigen gezin, dat is de opjefte fan Rutte oan âlden mei basisskoallebern. "Ik snap dat het voor heel veel gezinnen rampzalig is, maar we doen het omdat het echt nodig is."

"Ben je nog niet geprikt, dan is de omikronvariant de reden om er nog eens over na te denken", seit De Jonge. Minsken mei twivels kinne terjochte by de Twijfeltelefoon of www.overvaccineren.nl.

De Jonge seit dat eltsenien fan 18 jier en âlder trije moannen nei harren lêste faksinaasje of coronabesmetting in booster krije kin.

De Jonge fertelt oer de omikronfariant: "Wat we wel weten over omikron is genoeg om ons serieus zorgen te maken. Hij verspreidt zich heel snel. Voor de omikronvariant is echt een boosterprik nodig om ons ertegen te beschermen."

Demisjonêr minister fan Folkssûnens Hugo de Jonge krijt it wurd. Hy seit dat it tal besmettingen nei ûnderen giet en ek it tal sikenhûsopnamen daalt. "We verwachten dat we de piek gehad hebben."

It kabinet woe der lang net oan, mar de basisskoallen slute takom wike dochs. "Zorgelijke signalen over de omikronvariant konden we niet negeren", seit Rutte

Rutte freget omtinken foar senioaren: "Beperk direct contact tussen 70-plussers en kinderen zoveel mogelijk."

Alle maatregels dy't no al jilde wurde ferlinge. Dit betsjut ûnder mear dat alle net-essinsjele saken om 17.00 oere slute moatte en dat der gjin publyk by sportwedstriden wêze mei.

It tal besikers dat je ûntfange meie, giet net omheech, ek net by de feestdagen, seit Rutte.

Rutte hat noed oer de omikronfariant: "We weten nog veel niet, maar we weten wel dat deze variant zich veel sneller verspreid dan de vorige varianten."

Demisjonêr minister Mark Rutte nimt it wurd: "We hebben moeten besluiten het huidige maatregelenpakket te verlengen tot vrijdag 14 januari."

Demisjonêr premier Mark Rutte en minister Hugo de Jonge hâlde tiisdeitejûn foar de 39e kear in coronaparsekonferinsje. De parsekonferinsje set om 19.00 oere útein en is by Omrop Fryslân op de webside en app live te folgjen.

Skoallekoepels yn Fryslân bale fan it lette beslút om basisskoallen in wike earder ticht te smiten. Dat docht bliken út in rûngong fan Omrop Fryslân.

De klachten fan bern dy't besmet binne mei it coronafirus binne meastentiids net earnstiger as de klachten by in ferkâldenheid. Dat docht bliken út ûndersyk fan UMC Utrecht. Foar it ûndersyk binne 300 húshâldings mei bern mei corona of in ferkâldenheid folge.

De ûndersikers geane derfan út dat twa tredde fan alle bern ûnder de 12 jier yn Nederlân it coronafirus al hân hat.

De ûndersikers steane efter it advys fan de Gezondheidsraad om jonge bern de mooglikheid te jaan om harren faksinearje te litten. "De vaccinatie heeft voor hen wel minder toegevoegde waarde dan voor iemand die nog geen corona heeft gehad. Dat hadden ze ook in het advies mogen zetten. Dan kunnen ouders nog beter een afweging maken. Veel ouders weten nu wel of hun kind corona heeft gehad, juist omdat er nu veel meer wordt getest", seit haadûndersiker Patricia Bruijning.

Fuotbalbûn KNVB fynt de maatregels tsjin it coronafirus 'net sinfol', alteast, wat de sport en it fuotbal oanbelanget. "Nederland wordt niet gestimuleerd om te sporten."

De KNVB seit dat minsken ek de kommende wiken net nei 17.00 oere sporte meie. It slagget lang net eltsenien om foar dy tiid te sporten. "Veel sporters zijn door deze maatregel al afgehaakt. Dit blijkt uit onderzoek van sportkoepel NOC*NSF. In de leeftijd tussen 5 en 18 jaar is de helft minder gaan sporten of is geheel gestopt. De jeugd heeft geen uitlaatklep."

Ek it sluten fan de stadions kin net op begryp fan de bûn rekkenje.

1.047.600 minsken hawwe oant no ta in boosterprik krigen yn Nederlân. Dat meldt it RIVM. Op de Europeeske ranglist fan sûnenstsjinst ECDC hellet Nederlân mooglik Letlân yn. Acht prosint fan de folwoeksenen hat no in booster krigen.

Minsken dy't twivelje oer oft se harren faksinearje litte wolle tsjin it coronafirus, kinne fan hjoed ôf terjochte op de webside www.overvaccineren.nl. Op de webside komt betroubere ynformaasje oer it faksin te stean.

"We willen er alles aan doen om te zorgen dat mensen hun keuze maken op basis van betrouwbare informatie. Vaccinatie beschermt jezelf en de mensen om je heen tegen het virus en is verantwoord en veilig", seit demisjonêr minister fan Folkssûnens Hugo de Jonge.

Boargemasters fan Nederlân fine dat boargers sels foarstellen dwaan moatte soenen foar de coronamaatregels as it firus langer yn de mienskip bliuwt. "Er ontstaat een zekere moedeloosheid. We moeten met elkaar praten om weer perspectief te zien", skriuwe se oan demisjonêr minister-presidint Mark Rutte.

"Het brede welvaartsperspectief is ook belangrijk, gebaseerd op adviezen van de planbureaus." De regels soenen dêrom net mear allinnich op de epidemiologyske side rjochte wêze moatte.

De omikronfariant fan it coronafirus is by 123 minsken yn Nederlân fêststeld, dat meldt it RIVM. Fan harren hawwe 15 minsken gjin direkte link mei it suden fan Afrika, dêr't de fariant foar it earst ûntdutsen waard. It RIVM hâldt der rekken mei dat omikron de dominante fariant fan it firus wurde sil.

Yn Fryslân binne yn de ôfrûne 24 oeren 498 nije coronabesmettingen registrearre. Dat meldt it RIVM. It binne der 150 minder as moandei. Doe waarden 648 besmettingen meld.

Lanlik leit it tal nije coronabesmettingen op 12.852 It trochsneed tal besmettingen fan de ôfrûne sân dagen is 16.640.

Neffens it RIVM binne der lanlik yn de ôfrûne wike 116.477 positive coronatests registrearre. Dat is 21 prosint minder as ôfrûne wike. Der kamen ek minder persoanen nei de teststrjitten fan de GGD. Fan harren teste 23,4 prosint posityf, in rekôr.

Der wienen ek minder sikehûsopnamen. Wol kamen der mear minsken te ferstjerren troch it coronafirus: 445. Dat oantal hat sûnt febrewaris net sa heech west.

Neffens farmaseut Pfizer wurket harren coronapil ek by pasjinten mei de omikronfariant fan it firus. De pil is no noch eksperimenteel, mar soe de kâns op sikehûsopname en ferstjerren mei 90 prosint lytser meitsje kinne.

Sadree't minsken sykteferskynsels krije, soenen se de pil nimme moatte.

It ANP meldt dat basisskoallen in wike earder ticht sille foar de krystfakânsje. De skoallen meie der wol foar kieze om kommende moandei noch iepen te bliuwen. Op dizze wize hawwe bern minder kontakt mei-inoar en is de kâns lytser dat se inoar besmette.

It parseburo skriuwt fierder dat de jûnslockdown noch oant 14 jannewaris fan krêft wêze sil.

Gemeenten en provinsjes yn Nederlân krije yn totaal nochris 87 miljoen ekstra kompensaasje foar it misrinnen fan ynkomsten troch corona yn 2020. Earder krigen gemeenten al in foarskot fan 245 miljoen. Ek oer 2021 sille de gemeenten en provinsjes kompensaasje krije.

Dêrnjonken stelt it Ryk 51,5 miljoen beskikber om foarsjennings lykas musea en teäters te stypjen.

Underwiisbûn AOb fynt dat skoallen net ferplichte wurde moatte om ûnderwiis op ôfstân oan te bieden as de skoallen yn de wike foar de krystfakânsje ticht moatte. Neffens it bûn is dat no net mear te organisearjen.

"De praktijk van de afgelopen anderhalf jaar laat zien dat hybride onderwijs, aan kinderen uit de noodopvang in de klas en tegelijk aan de rest van de leerlingen online, het slechtste van twee werelden is", seit Thijs Roovers fan it AOb.

Tiisdei wurdt yn de parsekonferinsje oer de coronamaatregels dúdlik oft de skoallen echt ticht moatte.

Demisjonêr premier Mark Rutte en minister Hugo de Jonge hâlde tiisdeitejûn foar de 39e kear in coronaparsekonferinsje. De parsekonferinsje set om 19.00 oere útein en is by Omrop Fryslân op de webside en app live te folgjen.

Alle sechstigers kinne no in ôfspraak meitsje foar in boosterprik tsjin it coronafirus. Minsken dy't berne binne yn 1960 of 1961 kinne fan tiisdei ôf online in prikôfspraak meitsje, meldt it RIVM.

Minsken dy't leaver telefoanysk as online in ôfspraak meitsje, moatte wachtsje oant de útnûgingsbrief yn 'e hûs is. Wa't in boosterprik krije wol, moat minstens in healjier earder in faksinaasje hân hawwe. Wa't dêrnei dochs besmet rekke is mei it firus, moat fan dat momint ôf in healjier wachtsje oant de boosterprik set wurde mei.

Der lizze no 94 pasjinten mei Covid-19 yn de Fryske sikehûzen. Dêrfan lizze der 19 op de ic's. Op moandei leinen der noch 99 coronapasjinten yn Fryslân, wêrfan 21 op de ic's.

Yn totaal lizze der 229 pasjinten mei Covid-19 yn de noadlike sikehuzen. Dêrfan binne 54 ic-pasjinten.

Wa't corona-eftige klachten hat moat thúsbliuwe, mar neffens CNV hâlde lang net alle wurkjouwers harren oan dy regel. Ut in rûnfraach ûnder goed 2.000 leden konkludearret it fakbûn dat hast ien op de fiif wurknimmers troch harren baas frege wurdt om dochs op it wurk te ferskinen as se snotterich binne of hoastje moatte.

CNV-foarsitter Piet Fortuin ropt bedriuwen op om ferantwurdlikheid te nimmen. "We kunnen deze crisis alleen bestrijden als iedereen zich aan de regels houdt. De regel 'met klachten thuisblijven' is de meest simpele regel die er is."

De kultuersektor hat flink te lijen fan de coronakrisis. Dat wie al wol dúdlik, mar it docht no ek bliken út sifers fan de Boekmanstichting. Dy komt mei in 'Cultuurmonitor' mei sifers. Keunstners hawwe lanlik sa'n 70 persint fan de omset ferlern. Der wiene yn 2020 sa'n 60 persint minder museumbesiten, 87 persint minder publyk foar poppoadia en festivals en sa'n 56 persint minder besikers by bioskopen en teäters.

De ynskatting is dat it ferlies foar de kulturele en kreative sektor yn 2020 sa'n 2,6 miljard euro is yn Nederlân. It docht ek bliken dat minsken, en benammen âlderein, gjin kultuerbesite doare te plannen.

Hast de helte fan de jongelju yn Nederlân fynt dat de coronakrisis it libben nagatyf beynfloede hat. Mar fjouwer op de tsien jongelju sjocht njonken negative- ek nog noch positive gefolgen. In grutte mearderheid mist it om bûtendoar leuke dingen te dwaan en ôf te praten. Dit docht bliken út in ûndersyk fan it Centraal Bureau voor de Statistiek (CBS) ûnder goed 8.000 jongelju tusken de 12 en de 25 jier.

Jongerein fan 18 oant 25 jier hie it faakst it gefoel dat de pandemy in negative wjerslach op har libben hie. Goed in fjirdepart hat oanjûn it folgjen fan ûnderwiis yn de klasse te missen. Dat gefoel wie it sterkst by studinten oan hbo- en universitêre opliedingen.

Teeners en tweintigers ûnderfine ek faker stress mei de pandemy. Hast de helte fan de jongerein seit ek yn noed te sitten oer de oplieding.

It Reade Krús yn Fryslân siket frijwilligers om't de organisaasje de lêste tiid faak frege wurdt om te helpen. Dat hat te krijen mei twa dingen. Der wurde hieltyd mear asylsikers opfongen yn Nederlân, mar ek fanwegen de coronasituaasje binne der mear minsken nedich.

In spesjale training is neffens it Reade Krús net nedich, it is benammen wichtich dat de minsken fluch ynset wurde kinne. Dat kin bygelyks as gasthear yn in soarchsintrum, of as stipe foar de GGD by fakinsaasjelokaasjes.

Hoarekaûndernimmers meitsje har grutte soargen oer it fuortbestean, no't it liket dat de jûnslockdown yn alle gefallen noch oant 8 jannewaris duorje sil. Yn Ljouwert hawwe se in brânbrief stjoerd nei boargemaster Sybrand Buma.

Se freegje boargemaster Buma om yn de lanlike oerlizzen, lykas it Veiligheidsberaad, de soarchlike situaasje troch te jaan.

Wolkom by it liveblog fan tiisdei 14 desimber oer de ûntwikkelingen oangeande it coronafirus yn Fryslân. Us liveblog fan juster neilêze kin hjir.