Tsientallen deade seepappegaaien oanspield: "Ze zijn wel uit koers"
Op it strân fan Flylân binne tal fan deade seepappegaaien (papegaaiduikers) fûn. Dat meldt boskwachter Carl Zuhorn. Seepappegaaien binne pinguineftige fûgels dy't hast noait yn Nederlân sjoen wurde.
Yn totaal binne der de ôfrûne dagen tweintich seepappegaaien oantroffen oan de kust, wêrfan de measten yn Noard-Nederlân. Dat seit ûndersiker Kees Camphuijsen fan it NIOZ.
Ien oantroffen bist libben noch. Dat wurdt op dit stuit opfongen op Teksel. "Op andere plekken worden ze ook gevonden", seit boskwachter Zuhorn. "Maar Vlieland lijkt wel de hotspot te zijn."
Neffens natuerferslachjouwer Remco de Vries fan Omrop Fryslân is it tige seldsum dat der seepappegaaien op de Fryske eilannen sjoen wurde. "Gewoanwei briede sy op rotseftige eilantsjes, by de kust fan Skotlân of Noarwegen."
It kin goed wêze dat de bisten troch de hurde wyn fan de ôfrûne wike yn Nederlân bedarre binne, seit er. "De wyn wie westlik, dus dan soene se út Skotlân komme kinne."
Undersyk moat útwize hoe't it kin dat de bisten op Flylân oanspield binne. Se wurde dêrfoar nei it NIOZ op Teksel ta brocht. Zuhorn: "Dat moet ook wel, want mijn vriezer raakt vol."
It komt net faak foar dat der seepappegaaien yn Nederlân oanspiele, en dat it no yn totaal om sa'n soad bisten giet, makket de saak 'nog unieker', meldt Ecomare. "Dit is best bijzonder. Ze leven hier niet, dus ze zijn wel uit koers."
Kontakt mei Skotlân
NIOZ-ûndersiker Camphuijsen hat goed oardel wike lyn foar it earst kontakt hân mei ûndersikers út Skotlân. "Ze vroegen of wij ook iets merkten. Maar toen was er net eentje gevonden, dus toen was er nog niet zoveel van te zeggen."
Yntusken giet it hurd: "Inmiddels zijn het er twintig, maar dat kan aan het eind van de dag al weer veel meer zijn."
We hebben nog onvoldoende gezien om iets duidelijks te kunnen zeggen over de doodsoorzaak.
Oer de deadsoarsaak is earst noch sa'n soad te sizzen. "We lopen achter de feiten aan. De meesten zijn al aangevreten. Wat opvallend is, is dat het relatief om veel volwassen vogels gaat. Meestal zijn het jonge dieren, en dan is het niet zo vreemd. Maar nu zijn ze een paar jaar ouder. We hebben nog onvoldoende gezien om iets duidelijks te kunnen zeggen over de doodsoorzaak."
It is net foar it earst dit jier dat der in soad deade bisten oanspiele. Sa spielden der al mear as hûndert deade brúnfisken oan, dat hie te krijen mei in baktearje. En fan it maitiid waarden tsientallen deade seekoeten fûn op Skiermûntseach. "Dat was ook een heel vreemde sterfte", seit Camphuijsen.
Waarmtelamp en salmbrij
Fersoargers fan it opfangsintrum binne 'voorzichtig positief' oer de kânsen fan de fûgel dy't op Teksel fersoarge wurdt. It bist sit ûnder in waarmtelamp en krijt salmbrij te iten. De fûgel soe twa of trije jier âld wêze.
It is net foar it earst dat by Ecomare in seepappegaai opfongen wurdt. Yn 2017 ha de fersoargers in oare seepappegaai safier krigen dat er wer frijlitten wurde koe. Dat barde op in boarplatfoarm, midden op de Noardsee.
"Hopelijk kunnen we dit herhalen met de papegaaiduiker die nu in de opvang zit", meldt Ecomare.
Carl Zuhorn fan Staatsbosbeheer op Flylân
