Bekerwedstriid UNIS Flyers tsjin Geleen skrast om coronafirus
De iishockeywedstriid fan de UNIS Flyers tsjin Snackpoint Eaters Limburg-Geleen giet net troch, omdat der ien of mear besmettingen mei it coronafirus fêststeld binne by de seleksje fan Geleen.
It hie de beslissende wedstriid wêze kind yn de heale finale fan de bekerkompetysje. Dy heale finale wurdt spile yn in 'best-of-three'-searje. UNIS Flyers wûn freedtejûn yn Geleen mei 2-1 nei penaltys.
It is noch net dúdlik wannear't de wedstriid ynhelle wurdt.