Stille tocht foar Lisette Elzinga op It Hearrenfean
Der komt in stille tocht foar de 26-jierrige Lisette Elzinga op It Hearrenfean. De frou ferstoar moandei nei in ynsidint. Wat der krekt mei har bard is, is net bekend makke. De plysje docht dêr ûndersyk nei.
Freondinnen organisearje de tocht as in earebetoan oan Lisette. De tocht begjint sneintejûn om healwei achten by it gemeentehûs op It Hearrenfean. Dêrnei rint de groep nei de Oude Koemarkt. De froulju roppe op om ljochtjes mei te nimmen.
