Omrop TIP: folgje sneon it 50e NK fierljeppen: "De Friezen wolle revâns"

Burgum is der klear foar, fertelt foarsitter Hans Helmholt fan Ljeppersklup Burgum sneontemoarn. Ek it waar sit mei: "Harde wind is funest voor fierljeppers. Er staat nu een oostenwindje in kracht twee, dus dat is perfect."

Helmholt ferwachtet spanning. "De Nationale Fierljep Manifestatie was geweldig spannend, daar hebben de Friezen zich van hun beste kant laten zien. Maar met de tweekamp kregen we een flinke tik om de oren. Ik denk dat de Friezen erop gebrand zijn om revanche te plegen."

Dochs is de konkurrinsje grut, jout Helmholt ta. "In Holland zijn er vijf senioren die dit jaar 21 meter hebben gesproken, dus de concurrentie is flink. Maar als een Nard Brandsma laat zien wat hij op het Fries kampioenschap heeft laten zien, dan is hij ook zeker een kandidaat. En de Galama's kunnen ook zomaar voor uitschieters zorgen. Bij de dames en meisjes zijn de Friezen favoriet, maar jongens en junioren zal een uitdaging worden."

Foar Ysbrand Galama wie it NK 2020 in hiel bysûndere. Hiel efkes wie hy Nederlânsk kampioen mei syn finalesprong fan 21,09 meter. Mar fiif minuten letter ljepte Rian Baas út Utrecht krekt fierder: 21,10 meter. En dus waard Ysbrand twadde op minder as ien sintimeter.

De Warkumer belibbe ferline jier in topseizoen. Hy ferbettere syn persoanlik rekôr nei 21,53 meter en waard boppedat klassemintswinner mei in Frysk rekôr. Mar de Nederlânske titel gie dus krekt oan syn noas foarby.

Sneon krijt hy de kâns op revâns. Mar dêr't Galama ferline jier favoryt wie, is hy dizze kear miskien wol de grutte 'outsider.'

Fyftich jier lyn waard it earste NK ljept yn Jaarsveld. Yn 1972 waard Roel Bokke Span de earste winner mei 15,44 meter. Aart de With waard doedestiids kampioen by de jonges. Sneon is De With wer aktyf op it NK, no as arbiter. Hy is rekôrhâlder as it giet om nasjonale titels.

As senior waard hy leafst trettjin kear kampioen. Ek pakte hy by de jonges en de junioaren noch trije titels. De With is no noch altyd wrâldrekôrhâlder mei in aluminium polsstok. Dat rekôr stiet al goed tweintich jier op 19,42 meter.