Tal fan Fryske monuminten tagonklik op Iepen Monumintedei

12 sep 2021 - 09:42

Tal fan monuminten sette dit wykein de doarren iepen fanwegen Iepen Monumintedei. Sneon wienen goed 170 lokaasjes yn Fryslân te besjen, snein binne ek noch goed 40 monuminten tagonklik.

Foto: Omrop Fryslân, Onno Falkena

Fan tsjerken oant begraafplakken, fan staten en stinzen oant kantoaren en fan wenhuzen oant mûnen: it is allegear tagonklik. Ek ferskate musea binne iepen en guon tunen.

Kultuerhistoarysk sintrum De Tiid yn Boalsert is te besjen. It sintrum waard earder dizze wike iepene troch kening Willem-Alexander.

Ek de muorreskilderijen yn Bakhuzen, dy't lêsten foar it ljocht kamen, kinne besjoen wurde.

Op de webside is mear te finen oer tiden en aktiviteiten.

(Advertinsje)
(Advertinsje)