Aksje by Noardwâlde tsjin nije gasboarringen: wetjouwing moat oars

De aksje is it begjin fan in estafette dy't yn trije provinsjes hâlden wurdt. Gerard van Wijk fan GAS DrOvF wie ferrast troch de opkomst, hy hie net sa'n soad minsken ferwachte. "De mensen kwamen niet alleen uit de directe omgeving van Noordwolde, maar ook uit veel dorpen uit de omgeving. Ze kwamen uit Fryslân, Drenthe en zelfs Overijssel."

De stichting is tsjin nije gasboarringen yn de 'kwetsbare natuur en historische werelderfgoedomgeving', sa't de stichting sels skriuwt. Neffens de aksjefierders is lang net dúdlik wat de effekten yn de takomst binne fan gaswinning. As der al gas wûn wurdt, wol de stichting goede mjittingen en in skearegeling.

Van Wijk hie de polityk ek útnûge. Dêr is minder gehoar oan jûn. "Ik heb wel gesproken met Jochem Knol van de provinciale fractie van Grienlinks, maar verder niet veel politici gezien." Knol snapte it gefoel fan machtleazens by de stichting wol.

"Stop met de gaswinning op land. Bouw dat af, heb een visie als politiek", sei Jeanette van der Velde fan de stichting. "Deze mensen willen een statement maken, ze maken zich zorgen en komen daarvoor uit hun huizen."

Net allinne yn de Stellingwerven, mar ek yn Westerveld en Steenwijkerland wurdt gas boarre. Yn it gebiet lizze ferskate lytse gasfjilden.

Neffens Gerard van Wijk fan de stichting steane boargers by de Ried fan Steat hast altyd mei lege hannen. It Ryk beslist oer de gasfjilden en gemeenten kinne neat oars dwaan as advys jaan. De stichting is benaud foar skea en wol net dupearre wurde lykas it gefal yn Grinslân wie.

"De wetgeving werkt nu tegen", seit Van Wijk. "Op basis daarvan worden er allerlei besluiten genomen, maar met de huidige wetgeving kunnen we geen verandering teweegbrengen."

Gaswinbedriuw Vermilion is úteinset mei in proseduere om twa nije gasfjilden oan te boarjen tusken Wilhelminaoord en Noardwâlde. It sil noch in pear jier duorje foar't winning dêr echt úteinsette kin.

It Ryk hâldt woansdeitejûn in ynformaasjegearkomste oer de nije gaswinning. Dêr is de stichting ek by. "We hebben iedereen ook ervan op de hoogte gebracht, voor zover mensen het nog niet wisten. Laat je stem horen, hebben we gezegd. Genoeg is genoeg."

Van Wijk hopet dus ek by dy ynformaasjegearkomste op in moaie opkomst. "Hoe meer mensen er deelnemen, hoe meer zal blijken wordt dat er weinig tot geen draagvlak is voor al die nieuwe plannen die gesmeed worden op basis van oude concessies. Terwijl de wereld om ons heen in brand staat en we af willen van fossiele brandstoffen, wordt er toch mee doorgegaan."