Ljouwerter tennisser Sander Arends wint earste toernoai op ATP-nivo

18 jul 2021 - 13:18

De Ljouwerter tennisser Sander Arends hat it ATP-tennistoernoai yn it Sweedske Båstad yn twa sets wûn. Hy stie dêr yn de finale mei syn dûbeldmaat David Pel.

Sander Arends earder dit jier - Foto: www.orange-pictures.nl

Se moasten it yn de finale snein opnimme tsjin André Begemann (út Dútslân) en Albano Olivetti (út Frankryk).

De earste set gie mei 6-4 nei it duo Arends/Pel. Ek de twadde set like in proai foar se te wurden. By 5-0 gie it noch heel even mis, mar op 5-2 wie de oerwinning dan dochs binnen.

Yn in goed oere wie de wedstriid beslikke.

It is de earste toernoai-oerwinning op ATP-nivo foar Sander. Earder stie er trije kear yn de finale. Gewoanwei spylje Arends en Pel ien nivo leger op challengernivo.

(Advertinsje)
(Advertinsje)