Noardeast-Fryslân stipet streektalen mei wurkgroep en projektsubsydzje
Noardeast-Fryslân wol de streektalen yn de gemeente struktureel stypje. It giet by dizze gemeente om it Dokkumersk, it Kollumersk (Stedfrysk) en it Súd-Lauwerslânsk. De gemeente hat in wurkgroep foarme en seit ek ta subsydzje te jaan oan projekten mei omtinken foar de streektalen.
De wurkgroep bestiet út fertsjintwurdigers fan belanghawwende organisaasjes en ynwenners mei ynteresse foar taal. Fan de leden wurdt frege dat sy projekten betinke en stypje.
Projekten
Foar losse projekten is maksimaal 750 euro beskikber foar elts projekt, oant de subsydzjepot leech is. Der is al in tal projekten opset. Sa makket teätermakker Eline de Vries in foarstelling mei it Súd-Lauwerlânsk. En studinten hawwe mei de Afûk spultsjeplacemets en in lêsboekje ûntwikkele foar yn de hoareka. Fierder sil streekdichter Geart Tigchelaar in fytstocht troch de gemeente meitsje foar in spesjaal gedicht.
