Boargemaster Skylge benaud om sicht op campingjeugd en firus te ferliezen

Boargemaster Caroline van de Pol fan Skylge wit net wat se oan moat mei de fakânsjejeugd op it eilân. Se makket har soargen oer de ûntwikkeling fan it coronafirus. En no't de hoareka om tolve oere nachts ticht giet, ferspriedt de jongerein him oer it eilân.
Camping De Appelhof op Skylge © Omrop Fryslân, Auke Zeldenrust
It kin hurd gean yn tsien dagen, seit Van de Pol. "Toen dachten we nog: de zomer lacht ons toe en we hebben een mooi seizoen voor de boeg. De wereld ziet er op dit moment heel anders uit."

Minder testen, dus minder goed sicht op firus

In wike lyn is in tagongsteststrjitte iepene op it eilân. Dêr koenen alle dagen 400 minsken har teste litte. Dizze wike soe de kapasiteit nei 1.000 testen op in dei. Mar no't de nachthoareka ticht moat, is de needsaak foar sa'n tagongstest der net mear. En dus lit jongerein him minder teste.
Dat wit Van de Pol ek. Se is benaud dat it sicht op it firus ferdwynt. "Meten is weten. Als minder mensen testen, betekent het dat er ook minder positieve besmettingen worden gemeten. Maar dat betekent natuurlijk niet dat ze er niet zijn. Dat baart me wel zorgen: dat mensen wel ziek zijn en het virus zich verspreidt, maar dat we het niet weten."
Caroline van de Pol, boargemaster fan Skylge © Omrop Fryslân
De tagongstesten toanden ferline wike njoggentjin besmettingen oan. "Zij worden in eerste instantie op de camping in quarantaine geplaatst. Daarna gaan ze met vervoer naar de haven en met coronaproof vervoer naar de wal."
It RIVM hat de ôfrûne wike yn totaal fiif besmettingen meld op Skylge. Dat giet dan om minsken dy't ynskreaun steane op it eilân. Fakânsjegongers dy't posityf teste op it firus, komme net yn dy sifers werom. Dat wurdt registrearre by de thúsgemeente fan minsken.
Ien fan de campinggasten dy't mei coronaproof ferfier nei de wâl moat, is Heleen. Sy hat tiisdeitemiddei te hearren krigen dat se besmet is. "Ik dacht: ik ga morgen naar huis. Dus ik ga even testen, dan weet ik zeker dat ik negatief ben als ik naar huis ga. Maar ik krijg net te horen dat ik positief ben. Nu moet ik zo snel mogelijk naar huis, dus m'n vakantie is een dag korter."
Heleen hat krekt te hearren krigen dat se besmet is © Omrop Fryslân, Auke Zeldenrust
Se is derfan skrokken. "Ik ben een keer gevaccineerd. Dus ik dacht dat de kans dat ik het op zou lopen niet heel groot was. Ik deed toch een beetje voorzichtig, en nu heb ik het toch. Shit."
Heleen is net de earste dy't earder as pland de camping ferlit. "Twee dagen geleden ging de helft van de camping weg. Mensen die corona hadden, bij elkaar in de tent zaten. Dan hoor je dat soort dingen."
Het is een illusie om te denken dat iedereen om middernacht braaf naar bed gaat.
Boargemaster Caroline van de Pol
Dan is it noch de fraach wat it eilân oan moat mei jeugd dy't oerbliuwt op it eilân nei tolve oere de kroech út moat. "Het is een illusie om te denken dat iedereen dan braaf naar bed gaat. Wat wel gebeurt: de jeugd gaat rondhangen in de dorpen, in het bos in de duinen en veroorzaakt daar overlast."

Oerlêst op it strân?

Van de Pol hat se dêrom it leafst nei it strân. "Het is verstandig om ze te begeleiden naar een plek waar ze de minste schade aanrichten. Dat is het strand. Het zijn dan geen strandfeesten, het wordt niet georganiseerd. En als ze daar in groepjes van tien bij elkaar zitten, dan is dat denk ik de beste oplossing." Der is dan ek befeiliging by.
Guus van Dieren fan strânpaviljoen De Branding © Omrop Fryslân, Auke Zeldenrust
Dochs is net elkenien der wiis mei. Guus van Dieren fan strânpaviljoen De Branding bygelyks. Hy baalt fan glês en bier dat op it strân achter bliuwt. Hy wol dat der stranger hanthavene wurdt. "Met name overlast van kapot glas is een punt van zorg", jout de boargemaster ta. "Maar waar moet de jeugd heen?"

Lêste stapjûn soarge foar opskuor

Van de Pol hopet dat it swiertepunt yntusken west hat. "Het is een beetje psychologie van de koude grond, maar bij de persconferentie van vrijdag kreeg de jeugd te horen dat het hun laatste stapavond was. Dat heeft wat rumoer veroorzaakt."
It bliuwt drok op Skylge: de boat nei it eilân sit bomfol © Omrop Fryslân, Lennard Geerts
Skylge is net it iennige eilân mei coronasoargen. Ferline wike rekke al in groep fan mear as tritich jongeren besmet op It Amelân. Dy wienen dêr foar in surfkamp en binne mei in boat nei de fêste wâl brocht. Dêrmei is it firus net fan it eilân ferdwûn, want de ôfrûne dagen binne tsientallen mear besmettingen fêststeld.