Teun de Jong út Sint-Anne komt foar VVD yn gemeenteried Waadhoeke

20 jun 2021 - 10:24

De 60-jierrige Teun de Jong fan Sint-Anne komt foar de de VVD yn de gemeenteried fan de gemeente Waadhoeke. De Jong folget Emile Vogels op, dy't earder dizze moanne op 69-jierrige leeftiid ferstoar.

Teun de Jong - Foto: Omrop Fryslân, René Koster

Vogels kaam by in ferkearsûngelok om it libben. Hy waard op 4 juny by Tsjummearum op syn sitmeaner oanriden troch in automobilist.

Teun de Jong is bouboer yn Sint-Anne. Hy is ek foarsitter fan it bestjoer fan de Nederlandse Akkerbouw Vakbond. Yn maaie hold er nei 18 jier op as foarsitter fan keatsferiening Drie Spul is Ut fan Sint-Anne.

De Jong wurdt op 8 july offisjeel ynstallearre yn in riedsgearkomste fan de gemeente Waadhoeke.

(Advertinsje)
(Advertinsje)