Wenningen ûntromme om 'fertocht pakket' by plysjeburo Ljouwert
Nei de fynst fan in 'fertocht pakket' binne meardere wenningen ûntromme boppe it plysjeburo oan de Sudergrêftswâl yn Ljouwert. It pakket waard oantroffen troch studinten.
"Het zag er niet heel goed uit", seit de finer, "zeker met de plaatsing zo dicht bij het politiebureau was dat wel verdacht." Op foto's is te sjen dat it giet om in pakketsje fan aluminiumfoly, en dat der elektrisiteitstriedden útstekke.
De plysje hat de eksplosiven-oprommingstsjinst fan definsje ynskeakele, en de romme omjouwing fan in plysjeburo waard ôfset. Dat wie midden yn de nacht. Minsken dy't boppe it plysjeburo wenje, moasten it hûs út.
Minsken fan Definsje ha it objekt besjoen, en röntgenfoto's makke. Dêrút die bliken dat der gjin gefaar wie. It pakketsje is meinaam as bewiismateriaal.
Om healwei twaen hinne waard de omjouwing wer frijjûn, en doe koene minsken ek werom nei hûs.