Assistint-skiedsrjochter Erwin Zeinstra flagget heale finale Champions League
Assistint-skiedsrjochter Erwin Zeinstra fan Dronryp flagget tiisdeitejûn de heale finale fan de Champions League tusken Manchester City en Paris Saint-Germain. Björn Kuipers is troch de UEFA oansteld as skiedsrjochter foar it duel. Zeinstra en Sander van Roekel binne op it fjild de fêste assistinten fan Kuipers.
It giet om in return-wedstriid tusken de Britske en Frânske klup, dy't spile wurdt yn it Etihad Stadium fan Manchester City. De Ingelsen wûnen ferline wike yn Parys mei 2-1 fan Paris Saint-Germain.
