Spitse wint mei Nederlân ienfâldich fan België
De Nederlânske fuotbalfroulju, mei Sherida Spitse as iennige Friezinne, ha tongersdei mei 6-1 wûn fan België. It wie in oefenwedstriid, dy't spile waard yn Brussel. Spitse die 73 minuten mei.
Nei tsien minuten betsjinne Spitse spits Vivianne Miedema, mar dy kopte de bal tsjin 'e latte. Nei in goed healoere skoarde de Miedema wol. De âld-Hearrenfeanspylster skeat de rebound raak nei't Martens ek de latte rekke.
Nei it skoft makke Jill Roord de 0-2. Marie Minnaert brocht de Belgyske froulju werom yn de wedstriid, mar troch goals van Stefanie van der Gragt en Lieke Martens rûn Nederlân út nei 4-1. Nei't Spitse wiksele waard, makke Daniëlle van de Donk ek noch de 5-1 en Renate Jansen de 6-1.
Kommende woansdei spilet Nederlân wer in oefenwedstriid, dan yn Venlo tsjin Dútslân.