Bolwurken yn Dokkum bekladde mei teksten tsjin jûnsklok
Op meardere plakken op de Bolwurken yn Dokkum binne sneontemoarn teksten fûn tsjin de ynfiering fan de jûnsklok. De gemeente sil de teksten fuorthelje.
Ien fan de teksten op it Bolwurk - Foto: Stephanie, Twitter
De teksten gean allegear oer de jûnsklok dy't sneontejûn yngiet. Sa stiet der: 'Spertijd einde vrijheid', 'Spertijd = Dwaasheid' en 'Fok de avondklok'. De gemeente Noardeast-Fryslân is op 'e hichte brocht en hat tasein de teksten fuort te heljen.
RTV NOF
Dit is in artikel fan RTV NOF. De streekomrop fan Noardeast-Fryslân, Dantumadiel, Achtkarspelen en Tytsjerksteradiel docht ferslach fan alles wat der bart yn dy gemeenten. Ek folgje se it nijs op It Amelân en Skiermûntseach. RTV NOF en Omrop Fryslân wurkje yntinsyf gear.