Auto fljocht út de bocht yn Hijum; bestjoerder útpykt

03 jan 2021 - 08:05

De helptsjinsten waarden sneontenacht krekt nei healwei ienen alarmearre foar in iensidich ûngelok op De Loane yn Hijum. In auto wie út 'e bocht flein en tusken de beammen bedarre. De bestjoerder wie spoarleas.

Foto: SrFotografie

Doe't de helptsjinsten arrivearren, wie de bestjoerder nearne te bekennen. De plysje hat noch in sykslach makke yn 'e omjouwing, mar trof de bestjoerder net oan. Oft der drank of drugs yn it spul wie, is ûnbekend.

Trefwurden: 
ûngelok Hijum De Loane
(Advertinsje)
(Advertinsje)