Explosieven Opruimingsdienst ûndersiket fertocht foarwerp yn Drachten
De Explosieven Opruimingsdienst (EOD) is woansdeitejûn ynskeakele om ûndersyk te dwaan nei in fertocht pakket yn in tunnel oan de Noarderein yn Drachten. In kuierder stjitte krekt foar njoggenen op it ûnbekende foarwerp en alarmearre de plysje.
De plysje en hanthaving sleaten de tagongsdyk nei de tunnel ôf foar fytsers en fuotgongers. In ferkenner fan de plysje waard derby helle om it foarwerp te besjen. Dy fertroude it net en alarmearre de EOD út Soesterberg. De EOD arrivearre om 22.30 oere hinne en ûndersocht it foarwerp.
Nei koarte tiid waard it foarwerp ferpakt en meinaam troch de eksplosive-oprommingstsjinst. It is noch hieltyd ûnbekend om wat foar foarwerp it krekt gie. Om 22.45 oere waard de tunnel wer frijjûn foar fytsers en fuotgongers.
