UPDATE: Persoan om it libben kaam nei ûngelok yn maissilo Froubuorren
By in ûngelok yn in maissilo by in boerebedriuw yn Froubuorren is sneon in 78-jierrige man om it libben kaam. Wat der krekt bard is oan de Hamerenweg is net hielendal dúdlik. It slachtoffer soe beknypt rekke wêze yn de silo.
De helptsjinsten út ûnder oare Stiens, Ljouwert, Frjentsjer en Grins wiene teplak, mar sy koene it slachtoffer net mear rêde.
