Frou komt om by slim ûngelok op N979 flakby Haulerwyk
Op de Hoofdweg N979 by Een-West, flakby Haulerwyk, is sneontemoarn in 21-jierrige bestjoerster út Haulerwyk om it libben kommen. De automobiliste kaam út de rjochting fan Haulerwyk, rekke troch ûnbekende oarsaak neist de dyk en botste tsjin in beam.
Help fan in mobyl medysk team en de brânwacht mocht net mear baatsje. It slachtoffer stoar op it plak sels. De plysje docht ûndersyk nei de oarsaak.
