Motorrider swierferwûne nei fal op Lemmerweg by Snits

20 nov 2020 - 21:48

Op de Lemmerweg (N354) by Snits is freedtejûn in man op in motor swierferwûne rekke by in iensidich ûngelok. Meardere helptsjinsten, wêrûnder in traumahelikopter kamen te plak.

Foto: CAMJO media

De motorrider gie troch in noch ûnbekende oarsaak ûnderút by in rotonde. It slachtoffer is behannele troch it ambulânse-personiel en in trauma-dokter. Hy is dêrnei ûnder begelieding fan de trauma-dokter nei it sikehûs yn Grins brocht.

De plysje sil in ûndersyk starte nei it ûngelok.

(Advertinsje)
(Advertinsje)